რუსეთმა დნეპროპეტროვსკის ოლქზე იერიში მიიტანა. თავდასხმის შედეგად დაიღუპა 1 და დაშავდა 4 ადამიანი.
"18 ივნისის საღამოდან მოყოლებული აგრესორები ნიკოპოლის რაიონს დრონებითა და არტილერიით უტევენ". – წერს სოციალურ ქსელში დნეპროპეტროვსკის ოლქის სამხედრო ადმინისტრაციის მეთაური სერგეი ლისაკი.
თავდასხმის შედეგად დაინგრა კერძო სახლი, ასევე დაიწვა ავტომობილი.
საჰაერო თავდაცვის ძალების მუშაობის შედეგად დნეპროპეტროვკში განადგურებულია 3 რუსული დრონი.
მოგვიანებით ცნობილი გახდა, რომ დაშავებულთაგან ერთ-ერთი 11 წლის ბიჭია.
