25 დეკემბერს, უკრაინაში ქრისტეს შობის აღნიშვნის დღეს, რუსეთმა უკრაინის ენერგოსისტემაზე მასიური იერიში მიიტანა.
იერიშის შედეგად სერიოზულად დაზიანდა დონბასის ენერგეტიკული კომპანია ДТЕК-ის ინფრასტრუქტურა.
"რუსეთმა უკრაინის ენერგეტიკულ ინფრასტრუქტურაზე მორიგი ტერორისტული იერიში მიიტანა.
მასიური იერიშის შედეგად სერიოზულად რამდენიმე თბოელექტროსადგური. თავდასხმის დასრულებისთანავე ჩვენმა თანამშრომლებმა აღდგენითი სამუშაოები დაიწყეს". – წერია ДТЕК-ის განცხადებაში.
ომის დაწყებიდან დღემდე რუსეთმა ДТЕК-ის ინფრასტრუქტურაზე 200-ჯერ მიიტანა იერიში. 2024 წელს, ეს რიგით მე-13 რუსული იერიშია უკრაინულ ენერგოკომპანიაზე.
შობის დღეს რუსულ იერიშს ასევე გამოეხმაურა უკრაინის პრეზიდენტი ვოლოდიმირ ზელენსკი:
"პუტინმა იერიშისთვის გააზრებულად აირჩა შობა. რა შეიძლება იყოს უფრო არაადამიანური? 70-ზე მეტი რაკეტა, მათ შორის ბალისტიკური და 100-ზე მეტი უპილოტო საფრენი აპარატი. სამიზნე – ჩვენი ენერგეტიკა. ისინი აგრძელებენ უკრაინის ჩაბნელებისთვის ბრძოლას".
ზელენსკის თქმით, რუსეთის მიერ ნასროლი რაკეტებიდან 50-მდე უკრაინის საჰაერო თავდაცვის ძალებმა გაანადგურა.
