23 მარტს ბელგოროდის და მის შემოგარენის დაბომბვას ერთი ადამიანი ემსხვერპლა, ხოლო ხუთი ადამიანი დაშავდა. ბელგოროდის რეგიონის გუბერნატორის, ვიაჩესლავ გლადკოვის თქმით, ქალაქ ბელგოროდში თავდასხმამ დააზიანა საცხოვრებელი სახლები, მანქანები და ავტობუსები.
გუბერნატორი ვიაჩესლავ გლადკოვი საჰაერო იერიშებზე პასუხისმგებლობას უკრაინის ძალებს აკისრებს. მის მიერ გავრცელებული ინფორმაციის თანახმად, 23 მარტის დილას უკრაინულმა ძალებმა იერიშები ასევე მიიტანეს ბელგოროდის რეგიონის სოფლებზეც. მისი ცნობით, ჩერნიანსკის რაიონში ერთი მშვიდობიანი მოქალაქე დაიღუპა, ორი კი დაშავდა.
