კლინიკაში გარდაიცვალა 3 წლის ბავშვიც, რომელსაც გორში, დედასთან ერთად მანქანა დაეჯახა - ინფორმაციას ადგილობრივი მედია ქართლის ამბები ავრცელებს.
ავარია გორში გუშინ, 13 ივლისს მოხდა, ავტომობილი დედა-შვილს დაეჯახა, მომხდარის შედეგად ქალი ადგილზე დაიღუპა. დაშავებული ბავშვი კი კლინიკაში გადაიყვანეს, თუმცა მისი გადარჩენა ვერ მოხერხდა.
ტაბულას შინაგან საქმეთა სამინისტროში უთხრეს, რომ გამოძიება სისხლის სამართლის კოდექსის 276-ე მუხლით მიმდინარეობს.
შსს-ს ინფორმაციით, დაკავებულია ავტომანქანის მძღოლი.
