20 იანვრის ღამეს რუსებმა უკრაინას შაჰედის ტიპის 7 დრონით შეუტიეს, რომელთაგან 4 უკრაინის საჰაერო თავდაცვამ გაანადგურა. ამის შესახებ ინფორმაციას უკრაინის გენერალური შტაბი ავრცელებს.
"ღამით რუსმა დამპყრობლებმა მიიტანეს მორიგი საჰაერო იერიში შაჰედ-136/131 ტიპის 7 უპილოტო საფრენი აპარატის გამოყენებით. უკრაინის საჰაერო თავდაცვის ძალებმა და საშუალებებმა გაანადგურეს მოწინააღმდეგის 4 უპილოტო საფრენი აპარატი". - აღნიშნულია განცხადებაში.
ამავე ინფორმაციით, ბოლო 24 საათის განმავლობაში ფრონტზე 103 სამხედრო შეტაკება მოხდა, ავდიივკას მიმართულებით კი უკრაინის თავდაცვის ძალებმა რუსების 33 თავდასხმა მოიგერიეს.
უკრაინის გენშტაბის ინფორმაციითვე, გასულ დღეს რუსებმა 1 სარაკეტო, 23 საჰაერო და 59 იერიში მრავალჯერადი სარაკეტო სისტემებიდან მიიტანეს.
