მხოლოდ გამოთქმა რეკომენდაციის არ არის საკმარისი, ამას სჭირდება სამართლებრივი არგუმენტაციები. 16 გვერდიანია ეს დასკვნა და მე როდესაც გავეცანი ამ დასკვნას, ვერცერთი სამართლებრივი არგუმენტი ვერ მოვისმინე.
გასაგებია, რომ სხვადასხვა ქვეყანაში სხვადასხვა სისტემაა. საფრანგეთში საერთოდ შინაგან საქმეთა სამინისტრო ატარებს არჩევნებს და შინაგან საქმეთა მინისტრი არის ამაზე პასუხისმგებელი, მაგრამ, ჩვენ ვსაუბრობთ იმ ქვეყნებზე, სადაც პარლამენტი აკომპლექტებს ცენტრალური საარჩევნო კომისიის ადმინისტრაციას, სადაც აბსოლუტურად არის მიღებული ის პრაქტიკა, რომ უმრავლესობა პარლამენტის აკომპლექტებს ცესკოს ადმინისტრაციას. გვაქვს კონკრეტული შეკითხვები ამ დასკვნასთან დაკავშირებით, ვიმედოვნებთ, რომ სამართლებრივი არგუმენტაციები იქნება წარმოდგენილი იმისთვის, რომ ჩვენ გავხსნათ დიალოგის პროცესი.
