კიევიდან, ხარკოვის გავლით, იზუმში ჩავიდა ახალი უკრაინული მატარებელი Food Train (საკვების მატარებელი). 6 ვაგონისგან შემდგარი ტრანსპორტი ერთი დიდი სამზარეულოა, რომელსაც რეისის დროს 10 000 ულუფის მომზადება შეუძლია.
პირველი რეისი მადლიერების დღეს მიეძღვნა. ღონისძიებას დაესწრო აშშ-ს ელჩი უკრაინაში ბრიჯიტ ბრინკი. მენიუც დღესასწაულის შესაბამისი იყო - ინდაური, კარტოფილი, ნამცხვარი. რეისი მთლიანად პოლიციელებს, მედიკოსებსა და მაშველებს მოხმარდება.
მატარებლის შემადგენლობაში 6 ვაგონია:
- ვაგონი-გენერატორი;
- ვაგონი-მაცივარი;
- ვაგონი ცივი სამზარეულოთი;
- ვაგონი ცხელი სამზარეულოთი;
- ვაგონი პერსონალისთვის შხაპებითა და სარეცხი მანქანებით;
- ვაგონი 27 ტონა წყლით, რომელსაც ფილტრაციის სისტემა აქვს;
Food Train-ს გადაბმულად მუშაობა 5-7 დღის განმავლობაში შეუძლია. მატარებლის აღჭურვილობა ქმნის სრულყოფილ კერძებს: წვნიანებს, ფაფებს, სალათებს, ხორცს.
პროექტი მთლიანად ამერიკელმა მილიარდერმა, ჰოვარდ ბაფეტმა დააფინანსა.
