19 სექტემბრის ღამით უკრაინელმა სამხედროებმა მიკოლაივის ოლქის თავზე Shahed-ის ტიპის 10 რუსული დრონი ჩამოაგდეს. ამის შესახებ ინფორმაცია მიკოლაივის რეგიონული სამხედრო ადმინისტრაციის ხელმძღვანელმა, ვიტალი კიმმა გაავრცელა.
"19 სექტემბრის ღამეს მიკოლაივის ოლქში საჰაერო თავდაცვის ძალებმა Shahed-136/131-ის ტიპის 10 დრონი ჩამოგადეს". - აღნიშნა კიმმა.
მისივე თქმით, დაახლოებით 01:00 საათზე პერვომაის რაიონში ჩამოგდებული დრონების ფრაგმენტებმა ერთ-ერთი სასოფლო-სამეურნეო საწარმოს ტექნიკა დააზიანა, თუმცა, თავდასხმას მსხვერპლი არ მოჰყოლია.
გარდა ამისა, რუსეთის შეარაღებულმა ძალებმა 19 სექტემბრის ღამით დრონებით იერიში ლვოვის ოლქსა და ქალაქ კრივოი როგზეც მიიტანა.
ლვოვის ოლქში თავდასხმის შედეგად ერთ-ერთ სამრეწველო საწყობში ხანძარი გაჩნდა. ხანძრის მიერ განადგურებული შენობის ნანგრევებიდან ორი ადამიანი ამოიყვანეს. ერთი მათგანის მდგომარეობა მძიმეა.
უკრაინული მედიის ცნობით, 19 სექტემბრის შეტევა ომის დაწყებიდან დღემდე ლვოვზე ყველაზე ხანგრძლივი დრონებით თავდასხმა იყო.
