25 ივნისს ღამით კიევზე ოკუპანტების თავდასხმას, სულ მცირე, 5 ადამიანი ემსხვერპლა. ამის შესახებ ინფორმაციას კიევის მერი ვიტალი კლიჩკო Telegram-ზე ავრცელებს.
"სამაშველო ჯგუფებმა ქალაქის დასავლეთში, სოლომიანსკის რაიონში ერთ-ერთი სახლის ნანგრევების ქვეშ კიდევ ორი ცხედარი იპოვეს. ავარიულ შენობაში მაშველები ამ დრომდე მუშაობენ.
რუსული რაკეტის ფრაგმენტებისგან, რომლებიც ერთ-ერთ სახლში შეცვივდა, სულ მცირე, 5 ადამიანი დაიღუპა". - წერს კლიჩკო.
ოფიციალური ინფორმაციით, 25 ივნისს ღამით რუსეთის ძალებმა კიევს 20-მდე რაკეტა ესროლეს.