უკრაინის თავდაცვის მინისტრის მოადგილის, ანა მალიარის ცნობით, უკრაინის შეიარაღებულმა ძალებმა დონეცკის ოლქში გაათავისუფლეს ორი სოფელი – ბლაგოდატნე და მაკარივკა.
ამას გარდა, მალიარი წერს, რომ უკრაინელი სამხედროები წინ მიიწევენ როგორც ბახმუტის მიმართულებით, ისე სამხრეთით.
"მიმართულებები საითაც იერიშები მიმდინარეობს: ბახმუტის მიმართულებით ჩვენი სამხედროები აგრძელებენ თავდასხმით მოქმედებებს. არის მიღწევები ბერხოვის წყალსაცავის რაიონში. წინ წავიწიეთ 250 მეტრით. სამხრეთით წინსვლაა ორი მიმართულებით, 300-დან 1500 მეტრამდე. დეოკუპირებულია ბლაგოდატნესა და მაკარივკის დასახლებული პუნქტები. მიმართულებით, სადაც ჩვენი სამხედროები თავს იცავენ – არც ერთი პოზიცია დაგვიკარგავს". – წერს მალიარი.
აქამდე, 11 ივნისს ოლექსი დოვბუშის სახელობის 68-ე იეგერთა ცალკეულმა ბრიგადამ გაავრცელა ცნობა, რომ უკრაინის შეიარაღებული ძალების სხვა ქვედანაყოფებთან ერთად ბლაგოდატნეს დასახლებული პუნქტი გაათავისუფლეს.
ბოლო დღეებში უკრაინის შეიარაღებულ ძალებს აქტიური იერიშები მიაქვთ მოწინააღმდეგის თავდაცვის ხაზებზე.
