The Weeknd ფსევდონიმის გამოყენებას აღარ აპირებს, დღეიდან ის კარიერას აბელ ტესფაიეს სახელით გააგრძელებს. აბელ ტესფაიე კანადელი მომღერლის ნამდვილი სახელია.
ახლო წარსულში ტესფიაემ განაცხადა, რომ The Weeknd-ის "მოკვლა" სურს.
"განწმენდის გზას ვადგავარ. ჩემი ცხოვრების იმ თავს ვუახლოვდები, რომელშიც The Weeknd უნდა დასრულდეს. მე კვლავ დავწერ მუსიკას, შესაძლოა აბელის სახელით, შესაძლოა რამე ახალი ფსევდონიმით, მაგრამ The Weeknd-ის "მოკვლა" მსურს. აუცილებლად გამოვიცვლი კანს და ხელმეორედ დავიბადები". – განაცხადა მომღერალმა გამოცემა W Magazine-თან ინტერვიუში.
წლის ბოლომდე ტესფაიე ფსევდონიმით კიდევ ერთ ალბომს გამოუშვებს. ახლო მომავალში ის ასევე საკუთარ ძალებს მსახიობობაშიც მოსინჯავს, 4 ივნისს HBO-ს ეთერში ახალი სერიალი The Idol გამოვა, რომელშიც მომღერალი მთავარ როლს შეასრულებს.