"ვიცით, რომ თავისუფლება გაიმარჯვებს" – ზელენსკი ბრიტანეთის პარლამენტს სიტყვით მიმართავს

ჩვენ ყოველთვის გავიმარჯვებთ ბოროტებაზე. ეს ჩვენი და ასევე, თქვენი ტრადიციების საფუძველშია. თუმცა, ჰორიზონტი არასდროს არ რჩება ცარიელი. მაშინ, როდესაც ძველი ბოროტება დამარცხდება, ახალი ცდილობს აღმოცენებას. თქვენ გაქვთ შეგრძნება, რომ ბოროტება კვლავ განადგურდება? თქვენს თვალებში ვხედავ, რომ ჩვენ ერთნაირი შეგრძნება გვაქვს. ჩვენ ვიცით, რომ თავისუფლება გაიმარჯვებს. ჩვენ ვიცით, რომ რუსეთი დამარცხდება და ჩვენ ნამდვილად ვიცით, რომ ეს გამარჯვება შეცვლის სამყაროს, ეს იქნება ის ცვლილება, რაც სამყაროს დიდი ხანია, სჭირდებოდა. გაერთიანებული სამეფო ჩვენთან ერთად მიიწევს ჩვენი ცხოვრების უმნიშვნელოვანესი გამარჯვებისკენ და ეს იქნება გამარჯვება სრულად ომის იდეაზე. მას შემდეგ, რაც გავიმარჯვებთ, ნებისმიერ აგრესორს, დიდს თუ პატარას, ეცოდინება, რა ელის მას, თუ ის თავს დაესხმება საერთაშორისო წესრიგს.