ესტონეთი უკრაინას დახმარების პაკეტის ფარგლებში საკუთარ ყველა 155მმ-იან ჰაუბიცას გადასცემს

ესტონეთი გასულ კვირაში უკრაინისთვის გამოცხადებული სამხედრო დახმარების ფარგლებში საკუთარ ყველა 155მმ-იან ჰაუბიცას გადასცემს. ამის შესახებ ესტონეთის ელჩმა უკრაინაში, კაიმო კუუსკმა ისაუბრა.

"უკრაინას ყველა 155მმ-იან ჰაუბიცას გადავცემთ. ამ სახით, გვსურს შევქმნათ პრეცედენტი, რომ სხვა ქვეყნებს არ დარჩეთ არანაირი გასამართლებელი, რატომ არ შეუძლიათ უკრაინას ომში გამარჯვებისთვის აუცილებელი შეიარაღება გადასცენ". – თქვა კუუსკმა.

ელჩმა დაადასტურა მედიაში გავრცელებული ინფორმაცია, თუ რა შეიარაღებას მიიღებს უკრაინა ესტონეთისგან: ათობით 155მმ კალიბრის ჰაუბიცა FH-70, D-30-ის ტიპის 122მმ-იანი ჰაუბიცები,  155მმ-იანი ათასობით ჭურვი, Carl Gustav M2-ის ტიპის ტანკსაწინააღმდეგო ყუმბარმტყორცნები.

ტალინის მიერ უკრაინისთვის გაღებულმა სამხედრო დახმარებამ ესტონეთის მშპ-ს 1%-ს ხარჯობრივად უკვე გადააჭარბა.

როგორც 19 იანვარს გახდა ცნობილი, ესტონეტი უკრაინისთვის $113 მილიონის ღირებულების სამხედრო დახმარების პაკეტს გამოყოფს, რაც, ამ დრომდე, მათი მხრიდან კიევისთვის გაღებული უდიდესი პაკეტი იქნება.