პოლონეთში მოქალაქეები აგროვებდნენ ფულს, რათა უკრაინისთვის თურქული საბრძოლო დრონი Bayraktar TB2 ეყიდათ. უპილოტო საფრენი აპარატის მწარმოებელმა თურქულმა კომპანია Baykar-მა გადაწყვიტა დანადგარი უკრაინას უსასყიდლოდ გადასცენ, ხოლო პოლონელი მოქალაქეების მოგროვებული თანხა უკრაინის ჰუმანიტარულ დახმარებაში გადარიცხონ.
ამის შესახებ უკრაინულ მედიასთან ისაუბრა პოლოენლმა ჟურნალისტმა, სლავომირ სერაკოვსკიმ, რომელმა Bayraktar-ის უკრაინისთვის ყიდვის კამპანია წამოიწყო.
ამ დრომდე პოლონელებმა კამპანიის ფარგლებში 22.5 მილიონი ზლოტი მოაგროვეს, რაც დაახლოებით $4.8 მილიონია. შემოწირულობები ჯერ კიდევ გრძელდება და სერაკოვსკის თქმით, თანხის ნაწილი, რომელიც მეტობით დარჩებათ, უკრაინის შეიარაღებული ძალების დასახმარებლად გადაირიცხება.
აქამდე Baykar-მა უკრაინას უსასყიდლოდ გადასცა 3 დრონი, აქედან ორისთვის უკრაინის მოქალაქეებმა მოაგროვეს თანხა, ერთისთვის კი ლიტვის მოქალაქეებმა. უკრაინისთვის დრონის შესყიდვის სამოქალაქო კამპანია დაწყებულია კანადასა და ნორვეგიაშიც.