კიევის მერის, ვიტალი კლიჩკოს თქმით, კიევზე თავდასხმის შედეგად ადამიანთა დიდი რაოდენობა დაშავდა.
"ყველაფერს ვაკეთებთ, რაც შეგვიძლია. ვიმედოვნებთ, რომ არ გვეყოლება მსხვერპლი - დაზუსტებულ ინფორმაციას მალე შეგატყობინებთ". - აღნიშნა კიევის მერმა.
ვიტალი კლიჩკოს თქმით, რუსები მიზნად ისახავენ, დიდი შვიდეულის ქვეყნების სამიტამდე "უკრაინა დააშინონ". G7-ის ლიდერები გერმანიაში იკრიბებიან, რათა იმსჯელონ კიევისთვის სამხედრო დახმარების მიწოდებასა და მოსკოვისთვის დამატებითი სანქციების დაწესებაზე.
კიევზე თავდასხმისას 9-სართულიანი კორპუსი დაზიანდა, სადაც ამ დრომდე სამაშველო ოპერაციები მიმდინარეობს. მაშველებმა უკვე შეძლეს რამდენიმე ადამიანის ამოყვანა, მათ შორისაა 6 წლის ბავშვი.