კახიშვილი: მოლდოვას, უკრაინას იგივე გეოგრაფიული ლოკაცია რომ ჰქონოდათ, სტატუსს არ მისცემდნენ

ევროკავშირის ერთი ქვეყანა დამისახელეთ, რომელიც ჩვენს სამეზობლოშია. ბუნებრივია, ჩვენ უფრო რთულ მდგომარეობაში ვართ. მოგეხსენებათ, ერთადერთი ქვეყანა, რომელიც ჩვენი რეგიონიდან ამ ეტაპზე მიისწრაფვის ევროკავშირში, არის თურქეთი, რომელმაც 1987 წელს შეიტანა განაცხადი კანდიდატობის მოთხოვნაზე, 1999 წელს მიიღო მხოლოდ კანდიდატობა და მას შემდეგ ლაპარაკი შეწყდა. ამ ფონზე საქართველოს რომ მიანიჭონ, თურქეთს უნდა აუხსნან. სხვათა შორის, თურქეთი არის ქვეყანა, რომელმაც დააარსა ევროპის საბჭო და 1959 წლიდან არის NATO-ს წევრი. შესაბამისად, მინდა გითხრათ პირდაპირი გაგებით, რომ იგივე გეოგრაფიული ლოკაცია რომ ჰქონოდა მოლდოვას ან უკრაინას, დამიჯერეთ, არც მათ არ მისცემდნენ. იმიტომ, რომ ეს არის პოლიტიკა, რა თქმა უნდა, პირველ რიგში, ევროპა ფიქრობს იმ საზღვრების ფაქტობრივად გადიდებას, რომელიც ევროპაშია, ქვეყნებს ვგულისხმობ. აქეთ, რა თქმა უნდა, ისინი ჩვენ გვერდით არიან, გვეხმარებიან, მაგრამ რომ არა ომი უკრაინაში, საერთოდ საკითხი დადგებოდა ან უკრაინისთვის, ან მოლდოვისთვის, ან საქართველოსთვის კანდიდატობის მიცემაზე – რა თქმა უნდა, არა.