მარიუპოლში გარდაიცვალა ორსული ქალი, რომელიც სამშობიარო კლინიკაში იმყოფებოდა მაშინ, როცა შენობა რუსეთის საჰაერო ძალებმა დაბომბეს.
ვერ მოხერხდა ორსული ქალის ნაყოფის გადარჩენაც.
როგორც უკრაინული მედია УНИАН-ი წერს, ამის შესახებ ინფორმაცია ამერიკის ხმის ჟურნალისტმა, ასია დოლინამ Facebook-ზე დაწერა.
გარდაცვლილი ქალის სურათი და ვიდეო, რომელშიც ის საკაცით გადაჰყავდათ, შემთხვევის ადგილიდან გავრცელებული ერთ-ერთი პირველი კადრი იყო.
ამას გარდა, ერთ-ერთმა ორსულმა, რომელიც ასევე დაბომბვაში მოყვა, გასულ დღეებში ბავშვი გააჩინა.
ოკუპანტებმა სამშობიარო და ბავშვთა საავადმყოფო 9 მარტს დაბომბეს. რუსეთის საგარეო საქმეთა მინისტრის, სერგეი ლავროვის ბრალდებით, სამშობიაროში აზოვის ბატალიონი იყო გამაგრებული.