ფოთი

ფოთში ახალი $120-მილიონიანი საზღვაო ნავსადგური გაიხსნა 

29 იანვარს ფოთში ახალი საზღვაო ნავსადგური გაიხსნა, რომლის ღირებულება 120 მილიონ დოლარს შეადგენს.

პროექტი აშშ-ს საერთაშორისო განვითარების ფინანსური კორპორაციისა (DFC) და პეის ჯგუფის ერთობლივი ძალისხმევით განხორციელდა. 

ეკონომიკის სამინისტროს ინფორმაციით, ახალი ნავსადგური საქართველოს საზღვაო სექტორში მიმდინარე პროექტებს შორის აქამდე რეალიზებული ერთ-ერთი ყველაზე მასშტაბურია. 

DFC-მ ნავსადგურის მშენებლობის პროექტი 50 მილიონი დოლარით დააფინანსა, რაც ამ ორგანიზაციის მიერ ერთ პროექტზე გამოყოფილი ყველაზე დიდი ინვესტიციაა რეგიონში. 

პეის ჯგუფი კი რეგიონში ერთ-ერთი უმსხვილესი სატრანსპორტო კომპანიაა, რომლის ყოველწლიური საშუალო ტვირთბრუნვა 3 მილიონ ტონას აჭარბებს და ის 1 000-ზე მეტ თანამშრომელს ასაქმებს. 
 

კომენტარები