კობახიძე: ნიურნბერგის პროცესი რომ არ მომხდარიყო, ჰიტლერი არჩევნებზე მინიმუმ 30-40%-ს აიღებდა

რომ არ მომხდარიყო ნიურნბერგის პროცესი, ჰიტლერი მინიმუმ 30-40%-ს აიღებდა გერმანიაში მეორე მსოფლიო ომის შემდეგ, იმიტომ, რომ იყო რაღაც სენტიმენტები. ყოფილი მმართველი ძალა როცაა, ეს რაღაცები მუშაობს. სწორედ ამიტომ არის საჭირო პოლიტიკური სტანდარტი და სამართლებრივი შეფასება. შევაფასოთ, გინდ ნიურნბერგის პროცესი იყოს, გინდ ბუენოს-აირესის. მთავარია, რაღაც შეფასება გაკეთდეს იმისთვის, რომ თეორიულად დავუშვათ საუბარი შერიგებაზე. შერიგების წინაპირობა უნდა იყოს, რომ დანაშაული იყოს დაფიქსირებული, აღიარებული და შემდეგ განცხადება გაკეთებული იმასთან დაკავშირებით, რომ ასეთი დანაშაულის ჩამდენ პოლიტიკოსებს აღარ გვეკუთვნის პოლიტიკაში დარჩენა. ეს არის მარტივი. თუ ეს ყველაფერი არ უნდათ, ჩვენ ინიციატორები არ ვართ.