ვარკეთილში სავარაუდოდ გაზის გაჟონვას საცხოვრებელ ბინაში ხანძარი მოჰყვა.
როგორც ტაბულას საგანგებო სიტუაციების მართვის სამსახურში უთხრეს, ხანძარი უკვე ლიკვიდირებულია. ადგილზე რჩებიან სახანძრო-სამაშველო ჯგუფები.
შემთხვევის შედეგად ერთი ადამიანი მსუბუქად დაშავდა.
საქმეზე გამოძიება სისხლის სამართლის კოდექსის 240-ე მუხლის პირველი ნაწილით დაიწყო, რაც უსაფრთხოების წესის დარღვევას გულისხმობს.
