"მიხეილ სააკაშვილი არის დამნაშავე, შესაბამისად, მოუწევს პასუხისგება იმ დანაშაულებზე, რაც ჩაიდინა". - ამის შესახებ თბილისის მერი და ქართული ოცნების მერობის კანდიდატი კახა კალაძე საქართველოს ექსპრეზიდენტის, მიხეილ სააკაშვილის დაკავებასთან დაკავშირებით ამბობს.
ჟურნალისტის კითხვაზე, იცოდა თუ არა გუშინ, 1 ოქტომბერს, სააკაშვილის საქართველოში ყოფნის შესახებ, კალაძე პასუხობს: "კახა კალაძემ ძალიან ბევრი რამე იცის".
"მინდა მადლობა გადავუხადო ყველა შესაბამის სამსახურს, ეს არის უშიშროების სამსახური, შსს, თითოეულ თანამშრომელს, მართლაც უმაღლეს დონეზე იყო ყველაფერი გაკეთებული". - ამბობს კალაძე.
გუშინ, 2 ოქტომბერს, მიხეილ სააკაშვილი თბილისში დააკავეს. იქამდე შსს-მ გაავრცელა განცხადება, სადაც წერდა, რომ მიხეილ სააკაშვილს საქართველოს საზღვარი არ გადმოუკვეთავს.
1 ოქტომბერს დილით საქართველოს მესამე პრეზიდენტმა, მიხეილ სააკაშვილმა დაწერა, რომ ის საქართველოში იმყოფება. მოგვიანებით მან ზედიზედ ორი სელფი ვიდეო გამოაქვეყნა, სადაც ამბობს, რომ ბათუმშია.
