უწყებათაშორისი საბჭოს გადაწყვეტილებით, აღდგომის სადღესასწაულო დღეებში (2 მაისიდან 4 მაისამდე) სასაფლაოებზე გასვლა შეიზღუდება და სასაფლაოებზე მისასვლელი გზები ჩაიკეტება.
"სადღესასწაულო დღეებში სასაფლაოზე სიარული შეიზღუდება, ჩაიკეტება სასაფლაოებთან მისასვლელი გზები". – აცხადებს მთავრობა.
აკრძალვა არ ვრცელდება მხოლოდ დაკრძალვის პროცესზე.
შსს-ს ცნობით, 2 მაისიდან, საქართველოს მთელ ტერიტორიაზე, პოლიცია სასაფლაოებთან მისასვლელ გზებსა და დაწესებული რეგულაციების აღსრულების პროცესს გააკონტროლებს. შეზღუდვების დარღვევის შემთხვევაში, სამართალდამრღვევ პირს დაეკისრება ჯარიმა - 2000 ლარის ოდენობით.
ამასთან ერთად, საკოორდინაციო საბჭოს გადაწყვეტილებით, 3-დან 12 მაისის ჩათლით მუნიციპალური ტრანსპორტის მოძრაობა შეიზღუდება. ქვეყანაში მობილობის შემცირების მიზნით, 4-11 მაისი უქმე დღეებადაა გამოცხადებული.
უწყებათაშორისი საკოორდინაციო საბჭოს სხდომის დასრულების შემდეგ ცნობილი გახდა, რომ საქართველოს მთავრობა აღდგომის ღამეს გადაადგილების შეზღუდვას გამონაკლისის სახით, რამდენიმე საათით გვიან დაიწყებს. კერძოდ, კომენდანტის საათი 1-ელი მაისის 23:00-დან 2 მაისის 04:00-მდე იმოქმედებს