ქართული ოცნების ოფისთან, სადაც პარტიის პოლიტსაბჭოსა და უმრავლესობის სხდომა მიმდინარეობს, პოლიციამ 5 აქტივისტი დააკავა. ინფორმაცია ტაბულას შინაგან საქმეთა სამინისტროში დაუდასტურეს.
აქტივისტები მმართველი პარტიის ოფისთან სტიკერების გაკვრას ცდილობდნენ, რასაც დაპირისპირება მოჰყვა.
როგორც ტაბულას უწყებაში უთხრეს, აქტივისტები ადმინისტრაციულ სამართალდარღვევათა კოდექსის 173-ე მუხლით დააკავეს, რაც სამართალდამცველი ორგანოს თანამშრომლების დაუმორჩილებლობას გულისხმობს.