შრომის პირობების ინსპექტირების დეპარტამენტის უფროსის, ბექა ფერაძის თქმით, მიუხედავად იმისა, რომ ხვალ, 8 მარტიდან რესტორნები შიდა სივრცეშიც შეძლებენ მუშაობას, 1-ელ აპრილამდე კვლავ შეზღუდვად რჩება სარესტორნო ბიზნესში ცოცხალი მუსიკის შესრულება.
"მიუხედავად იმისა, რომ იხსნება შიდა სივრცეები, პირველ აპრილამდე კვლავ შეზღუდვად რჩება ცოცხალი მუსიკის შესრულება, რადგან ეს დამატებით იწვევს ღონისძიების მასშტაბების ზრდას". - ამბობს ფერაძე.
რა შეზღუდვები იხსნება 8 მარტიდან წაიკითხეთ - აქ.
ბოლო 24 საათში, საქართველოში კორონავირუსით კიდევ 9 ადამიანი გარდაიცვალა, დადასტურდა 234 ახალი შემთხვევა, ჩატარდა 15 919 ტესტი.
7 მარტის მონაცემებით, საქართველოში კორონავირუსით ინფიცირების 272 851 შემთხვევაა დადასტურებული, მათგან 266 693 ადამიანი გამოჯანმრთელდა, 3 576 კი გარდაიცვალა.