დაავადებათა კონტროლის ეროვნული ცენტრის ინფორმაციით, 30 სექტემბრის მონაცემებით, საქართველოში ბოლო ერთ თვეში კორონავირუსის 35 719 ახალი შემთხვევა გამოვლინდა, გამოჯანმრთელდა 43 189 პაციენტი, 20 კი გარდაიცვალა.
NCDC-ის ცნობით, დადებითობის მაჩვენებელი ბოლო 7 დღის განმავლობაში 9.30%-ია. ბოლო 14 დღის - 10.64%.
კორონავირუსის გავრცელებიდან დღემდე ქვეყანაში ოფიციალურად დადასტურებულია ინფიცირების 1 764 350 შემთხვევა ოფიციალურად დადასტურდა, მათგან 16 902 გარდაიცვალა, 1 738 337 კი გამოჯანმრთელდა.
ჯანდაცვის სამინისტროს გადაწყვეტილებით, "ინფიცირების შემთხვევების სტაბილურად კლებადი მაჩვენებლის გამო", კორონავირუსის სტატისტიკის მონაცემები - ახალი შემთხვევების რაოდენობა, ინციდენტობა, დადებითობის მაჩვენებელი, გარდაცვალების შემთხვევები, ყოველკვირეულად ჯამდება და თვეში ერთხელ გავრცელდება.
