ტექნოლოგიური კომპანია Oracle-ისა და ბაზრის შემსწავლელი Savanta-ს ახალი კვლევის თანახმად, გამოკითხულთა უმეტესობა რობოტებსა და ხელოვნურ ინტელექტს უფრო მეტად ანდობს კომპანიისა და პირად ფინანსურ მენეჯმენტს, ვიდრე ადამიანებს, მათ შორის, საკუთარ თავს.
ბიზნესლიდერების 90%-ს სჯერა, რომ ფინანსურ სექტორში რობოტები ჩაანაცვლებენ ადამიანებს, მათგან 62% კი თვლის, რომ ეს ცვლილება მომდევნო ხუთ წელიწადში, 2025 წლამდე მოხდება.
ბიზნესლიდერების 80% ორგანიზაციული ფინანსების მენეჯმენტში რობოტებს უფრო მეტად ენდობა, ვიდრე ადამიანებს.
გამოკითხულთა 76% პირად ფინანსურ მრჩეველზე მეტად რობოტებს ენდობა. 68% კი საკუთარ თავზე მეტადაც კი ენდობა ხელოვნურ ინტელექტს.
კვლევაში მონაწილეთა 85% თანახმაა რობოტების მხრიდან დახმარების მიღებაზე.
გამოკითხვაში მონაწილეობას იღებდა 9 000 ადამიანი მსოფლიოს 14 ქვეყნიდან, კერძოდ, აშშ-დან, ჩინეთიდან, გაერთიანებული სამეფოდან, გერმანიიდან, ნიდერლანდებიდან, საფრანგეთიდან, ინდოეთიდან, ბრაზილიიდან, იაპონიიდან, ავსტრალიიდან, საუდის არაბეთიდან, არაბთა გაერთიანებული საამიროებიდან, მექსიკიდან და სინგაპურიდან.