რუსეთის პრეზიდენტმა ვლადიმერ პუტინმა განაცხადა, რომ მსოფლიო ანტიდოპინგური სააგენტოს (WADA) გადაწყვეტილება, რის შედეგადაც რუსეთს 4 წლით საერთაშორისო სპორტული შეჯიბრებში დოპინგის გამო მონაწილეობა ეკრძალება, გაუმართლებელია.
პუტინს მიაჩნია, რომ აკრძალვის გადაწყვეტილება პოლიტიკური და უსამართლო იყო.
"ჩვენ ყველაფერს ვაკეთებთ იმისთვის, რომ რუსეთის სპორტი სუფთა იყოს," - ამბობს ის.
მისი თქმით, აკრძალვა კონკრეტულ პირებს უნდა შეხებოდათ და არა ყველას.
რუსეთის პრეზიდენტის თქმით, რუსი სპორტსმენების უმეტესობა სუფთაა - "რატომ უნდა დავსაჯოთ ისინი?"
მსოფლიო ანტიდოპინგურმა სააგენტომ (WADA) რუსეთს საერთაშორისო შეჯიბრებზე, მათ შორის ოლიმპიადებსა და მსოფლიო ჩემპიონატებზე 4 წლით აუკრძალა მონაწილეობის მიღება.
კომიტეტის გადაწყვეტილებაში ნათქვამია, რომ რუსეთის ანტი-დოპინგური სააგენტო არ შეესებამება პატიოსნების დადგენილ სტანდარტს.
უკვე წლებია, რაც რუსეთთან მიმართებაში დოპინგური სკანდალი გრძელდება. ე.წ. რუსეთის დოპინგის სკანდალის გამო, რუსეთის ოლიმპიური ნაკრებს აეკრძალა მონაწილეობა სამხრეთ კორეაში გამართულ ზამთრის ოლიმპიადაზე.