ტაბულა
ტაბულაპარლამენტის ყველა შესასვლელი პიკეტირებულია - ევროპულმა საქართველომ პარლამენტის ყველა კარი ჯაჭვით და ბოქლომებით დაკეტა და გასაღები ხალხს გადასცა.
შემდეგ კი პარტიის წევრებმა და რიგითმა მოქალაქეებმა პარლამენტის შესასვლელთან კარვები გაშალეს. მათი თქმით, ისინი აქ მთელი ღამის და ხვალინდელი დღის განმავლობაში დარჩებიან, შემდეგ კი ვითარების მიხედვით იმოქმედებენ.
გიგა ბოკერიას თქმით, საზოგადოების ამოცანაა, "იმ სამარცხვინო ლიდერის პოლიტიკურ გუნდს, რომელმაც რამდენიმე დღის წინ საზოგადოებას შეურაცხყოფა მიაყენა, მაქსიმალური დისკომფორტი შეუქმნას".
"ამ საზოგადოებრივი წნეხის ნაწილია ეს კარვები და ის, რაც მოხდება ხვალ დღის განმავლობაში, როცა უნდა იყოს ბიურო.
მათ ჰგონიათ, რომ ჩვენი სიმბოლური აქტი და ის, რომ მათ მოიყვანეს ეკიპირებული ადამიანი და სწრაფად გადაჭრეს ჯაჭვი, არის მთავარი რამ, ეს არის მთავარი შეცდომა ივანიშვილის რეჟიმის. ჯაჭვის გაგლეჯას რა უნდა, მაგრამ ხალხთან დაპირისპირებაში ივანიშვილის რეჟიმი დამარცხდება. ეს არის უფრო გრძელვადიანი პროტესტი, ვიდრე ჩვენ გვსურდა, უფრო რადიკალური, ვიდრე სჭირდებოდა ამ ქვეყანას, ამისკენ უბიძგა ივანიშვილმა თავისი უტიფრობით. ხვალინდელი ამბავი გარკვეულია, შემდეგ როგორ მოვიქცევით, გვიჩვენებს ვითარება", - თქვა ბოკერიამ.
პარალელურად პარლამენტის წინ მასშტაბური საპროტესტო აქცია მიმდინარეობს.
პროტესტის მონაწილეები დაპირებული საკონსტიტუციო ცვლილების ჩაგდებას აპროტესტებენ, რომლის მიხედვით 2020 წელს პროპორციული არჩევნები უნდა ჩატარებულიყო. პროპორციული არჩევნების ჩატარების პირობა ბიძინა ივანიშვილმა ზაფხულში ანტირუსული პროტესტის ფონზე დადო.
აქციის მოთხოვნა ვადამდელი პროპორციული არჩევნებია, ე.წ. "გერმანული მოდელით". პროსტესტს პოლიტიკური პარტიებიც შეუერთდნენ.
პარლამენტთან და პარლამენტის შენობაში, ასევე კანცელარასა და ქართული ოცნების ოფისთან, დილიდან მობილიზებულია დიდი რაოდენობით საპოლიციო დანაყოფები.
