წეროვანთან ტრაილერი სამგზავრო მიკროავტობუსს შეეჯახა. პირველადი ინფორმაციით, შემთხვევის შედეგად 13 ადამიანი დაშავდა. დაშავებულები საავადმყოფოში არიან გადაყვანილები.
შინაგან საქმეთა სამინისტროში ტაბულას უთხრეს, რომ ფაქტზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო. ეს გულისხმობს ტრანსპორტის მოძრაობის უსაფრთხოების ან ექსპლუატაციის წესების დარღვევას, რამაც ჯანმრთელობის ნაკლებად მძიმე დაზიანება გამოიწვია.