გოცირიძე: ზურიკელას შეყვარებული მაინც უხაროდა, თქვენ - სკამის სიყვარული გახარებთ

გახსოვთ, ხომ, "მე, ბებია, ილიკო და ილარიონში" ზურიკელა რომ წერს - "ღამე იყო ქარიანი, ყინვიანი, ქარიანი, მოკლედ, საშინელი და მიხარიაო". რომ ეუბნებიან, თუ წვიმიანია, ქარიანია, ყინვიანია, ქვეყანა ინგრევა, რა გიხარია, შე აბდალოვო? ზუსტად ასეა. ლარი გაუფასურდა, ბიუჯეტი დეფიციტურია, ფასები იზრდება, ივესტიციები არ შემოდის, ხალხი გაღარიბდა, ხალხს შია და მთავრობა გამოდიხართ და ამბობთ, რომ გიხარიათ, ყველაფერი იდეალურად არის... სამარცხვინო პროგრამა წარმოადგინა ეროვნული ბანკის პრეზიდენტმა დღეს ფულად-საკრედიტო პოლიტიკის გავითარების. იმას ის მაინც უხაროდა, რომ შეყვარებული ჰყავდა, თქვენ გიხარიათ, რომ დაგამტკიცეს და სკამები შეინარჩუნეთ, თქვენ სკამის სიყვარული გიხარიათ და ეროვნული ბანკის პრეზიდენტს, რომელსაც შვიდწლიანი გარანტია ერგო.