ჯაფარიძე: კვიციანის მსგავსი ადამიანების გათავისუფლება მთავრობის კურსს აჩვენებს

ემზარ კვიციანი არის ადამიანი, რომელმაც მოაწყო შეიარაღებული ამბოხი სახელმწიფოს წინააღმდეგ. გამოუცხადა დაუმორჩილებლობა ცენტრალურ ხელისუფლებას. ამის შემდეგ ეს ადამიანი თვეების განმავლობაში რუსების ხელშეწყობით ცხოვრობდა ოკუპირებულ აფხაზეთში, შემდეგ რუსეთში და იძლეოდა ჩვენი ქვეყნის ინტერესებისთვის ძალიან საზიანო ინტერვიუებს, მათ შორის ისეთებს, სადაც აცხადებდა, თითქოს საქართველოს შეიარაღებულ ნაწილებში მსახურობდნენ „ამერიკელი ფერადკანიანები“. ეს ადამიანი, ცხადია, უნდა იჯდეს ციხეში, მაგრამ ის, რომ დღევანდელი ხელისუფლება ციხიდან უშვებს ასეთი ტიპის ადამიანებს და ციხეში სვამს ადამიანებს, მათ შორის გმირებს, რომლებიც იბრძოდნენ რუსეთის წინააღმდეგ, ეს ნათლად აჩვენებს იმას, თუ საით მიჰყავს ამ ხელისუფლებას ქვეყანა.