ეროვნულმა დემოკრატიულმა ინსტიტუტმა(NDI) საზოგადოებრივი აზრის კვლევის შედეგები წარმოადგინა თემაზე - საზოგადოების განწყობა საქართველოში.
"საქართველო უნდა გაწევრიანდეს ევრაზიის კავშირში, რომელიც დაფუძნებულია რუსეთის ფედერაციის მიერ" - ამ მოსაზრებას გამოკითხულთა 11% ეთანხმება.
ევროკავშირში გაწევრიანებას კი, 68% უჭერს მხარს. ხოლო არცერთ კავშირში გაწევრიანებას 4% ეთანხმება.
გამოკითხულთა 13% თვლის, რომ საქართველო NATO-ს წევრი მომდევნო 4 წლის განმავლობაში გახდება. 31% მიიჩნევს, რომ 2016 წლის შემდეგ. ხოლო 12%-ის აზრით, არასდროს.
NDI-ის კვლევის საველე სამუშაოები ჩატარდა 13-27 ნოემბერის პერიოდში. საქართველოს მასშტაბით 3,915 ადამიანი პირისპირ ინტერვიუს წარმომადგენლობითი შერჩევის საფუძველზე გამოიკითხა.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (SIDA) და ატარებს კავკასიის კვლევითი რესურსების ცენტრი (CRRC).
