ეროვნულ დემოკრატიულმა ინსტიტუტმა (NDI), სასტუმრო ქორთიარდ მარიოტში, საზოგადოებრივი აზრის კვლევის შედეგები წარმოადგინა.
კითხვაზე, ყველაზე მეტად ვის ისურვებდით საქართველოს შემდეგ პრეზიდენტად, 58%-ის პასუხია ქართული ოცნების კანდიდატი, ხოლო 8%-ის ნაციონალური მოძრაობის კანდიდატი. მეორე არჩევნით, ქართული ოცნება 2%-მა, ხოლო ნაციონალური მოძრაობა 1%-მა დაასახელა.
მეორე არჩევანი არ აქვს 55%-ს. ხოლო კითხვაზე პასუხი არ აქვს 17%-ს. პასუხზე უარი 6%-მა განაცხადა. არცერთი კანდიდატი - 4%.
გიორგი თარგამაძე სასურველ კანდიდატად 3%-მა, ხოლო მეორე არჩევნით 4%-მა დაასახელა. შალვა ნათელაშვილი - 2%-მა.
კვლევა ქვეყნის მასშტაბით, 13-27 მარტის პერიოდში ჩატარდა და მის ფარგლებში შემთხვევითი შერჩევით 3,103 ადამიანი გამოიკითხა. კვლევის ცდომილება 2.5%-ს შეადგენდა. იგი კავკასიის კვლევითი რესურსების ცენტრმა ჩაატარა და შვედეთის განვითარების ფონდის მიერ არის დაფინანსებული. წინა კვლევა არასამთავრობო ორგანიზაციამ 2012 წლის ნოემბერში წარმოადგინა.
