უკანონო შემოწირულობების განხორციელებისთვის თბილისის საქალაქო სასამართლომ ბიძინა ივანიშვილი 20 243 827 ლარით დააჯარიმა. აუდიტის სამსახურმა დაადგინა, რომ ივანიშვილმა 2012 წლის განმავლობაში საკუთარი ანგარიშიდან ნაღდი ფულის სახით 5 მილიონზე მეტი ლარი გაიტანა. ივანიშვილმა ეს თანხა სხვადასხვა პირების გამოყენებით ქართული ოცნებისთვის შემოწირულობი გასაკეთებლად გამოიყენა - დაადგინა სასამართლომ და მას თანხის ხუთმაგი ოდენობის ჯარიმა დააკისრა.
ივანიშვილის ადვოკატები სასამართლოს გადაწყვეტილებას უკანონოს უწოდებენ. მათ უფლება აქვთ 48 საათის განმავლობაში გაასაჩივრონ სასამართლოს გადაწყვეტილება. დაკისრებული ჯარიმა კი ივანიშვილმა 7 დღის ვადაში უნდა გადაიხადოს.