მიტ რომნის გამარჯვებით დასრულდა რესპუბლიკელების შიდაპარტიული არჩევნები მიჩიგანსა და არიზონას შტატებში. მიჩიგანის შტატში რომნიმ ხმების რამდენიმე პროცენტით გაუსწრო თავის მეტოქეს რიკ სანტორუმს. გავრცელებული ცნობებით, რომნიმ ხმების 41 პროცენტი მოიპოვა, სანტორუმმა -38. აღსანიშნავია, რომ მიტ რომნის მამა თავის დროზე მიჩიგანში საკმაოდ პოპულარული გუბერნატორი იყო.
შიდაპარტიულმა არჩევნებმა უნდა გამოავლინოს რესპუბლიკელების კანდიდატი 2012 წლის ნოემბრის საპრეზიდენტო არჩევნებისთვის.
