ფეხბურთი: საქართველომ ბელარუსს სძლია

საქართველოს 17-წლამდელთა ნაკრებმა მინსკის საერთაშორისო ტურნირი გამარჯვებით დაიწყო: ვასილ მაისურაძის გუნდმა მასპინძელი ბელარუსის ნაკრები 4:3 დაამარცხა.
”ძალიან რთული მატჩი იყო. თამაშის სადავეები ჩვენ გვეჭირა და წესით, დიდი ანგარიშით უნდა მოგვეგო, თუმცა, უკანა ხაზში დაშვებული უაზრო შეცდომების გამო გავუშვით ის ბურთები, რამაც ამ თამაშის მოგება სანერვიულო გაგვიხადა. მიუხედავად ამისა, მე ბიჭების მადლობელი ვარ იმ ბრძოლიუნარიანობისა და შეუპოვრობისთვის, რაც გამოავლინეს და რისი წყალობითაც შევძელით სამი ქულის მოპოვება”, - განაცხადა მატჩის შემდეგ 17-წლამდელთა მთავარმა მწვრთნელმა ვასილ მაისურაძემ.
ჩვენი ჯგუფის მეორე მატჩში ბელგიამ 4:0 დაამარცხა ლატვიის ნაკრები.

22 იანვარი, 2012. მინსკის საერთაშორისო ტურნირი. ბელარუსი, მინსკი, 400
4:3 ბელარუსი

გოლები: 1:0 ჯიქია (23), 1:1 რასადკინი (30, პენ), 1:2 კორზუნი (32), 2:2 ჯიქია (54), 3:2 ახვლედიანი (62), 3:3  რასადკინი (71), 4:3 ა.მესხი (80)
საქართველო: ა.ადამია, ო.კაკაბაძე, ბ.მელიქიძე (მ.ცინცაძე 41), ნ.ჭანტურია (კაპ), გ.სამხარაძე, ჭ.ჭეჭელაშვილი, გ.გოროზია, ნ.ახვლედიანი (თ.მაჭავარიანი 71), გ.პაპუნაშვილი (ა.მესხი 41), ი.წილოსანი, დ.ჯიქია (დ.დარციმელია 67)
მწვრთნელი: ვასილ მაისურაძე
გაფრთხილება: მელიქიძე, ცინცაძე