იტალიის პრემიერ-მინისტრმა მარიო მონტიმ განაცხადა, რომ მისი პროგრამა ანტიკრიზისული ღონისძიებების შესახებ არის ერთადერთი გამოსავალი ქვეყნის ეკონომიკური პრობლემების დასაძლევად. მონტიმ აღნიშნა, რომ უარი ამ ღონისძიებებზე იტალიას საბერძნეთის მსგავს სიტუაციაში აღმოაჩენს. მონტის პროგრამა განსახილველად იტალიის პარლამენტს გადაეცა. ის გულისხმობს გადასახადების მომატებას, ხარჯების შემცირებას და საპენსიო სისტემის რეფორმას. ვარაუდობენ, რომ ანტიკრიზისული ღონისძიებების პაკეტი წააწყდება სერიოზულ წინააღმდეგობას იტალიის პარლამენტში.
იტალია
