კობახიძე: ძალადობრივ მიტინგზე პასუხისმგებლობა ევროპელ პოლიტიკოსებს და აგენტურას ეკისრება

გუშინდელ ძალადობრივ მიტინგზე უმთავრესი პასუხისმგებლობა ეკისრება შესაბამის ევროპელ პოლიტიკოსებსა და ბიუროკრატებს და ადგილობრივ აგენტურას, მე-5 კოლონას, რომელიც ოთხი პოლიტიკური პარტიის სახით არის წარმოდგენილი. გუშინ ისიც ცხადი გახდა, რომ ყველამ ყველაფერი ძალიან კარგად იცის, უბრალოდ რადიკალები და მათი უცხოელი პატრონები ყოველ ჯერზე ცდილობენ, გამოიგონონ საბაბი ქვეყნის არევის მცდელობისა და უკრაინიზაციის მცდელობისთვის. მათ ჯერ კიდევ ვერ გააცნობიერეს, რომ 2013 წლის უკრაინისგან განსხვავებით საქართველო არის დამოუკიდებელი სახელმწიფო ძლიერი ინსტიტუტებით და რაც მთავარია, გამოცდილი და ბრძენი ხალხით. საქართველოში მაიდნის სცენარი ვერ განხორციელდება, საქართველო არის სახელმწიფო და ამას არ დაუშვებს.