ჩვენ 33 წლის წინ შევუდექით ამ გზას და ამ გზაზე ჩვენი ევროპელი და ამერიკელი მეგობრები ყოველთვის ჩვენს გვერდით იდგნენ და მხარს უჭერდნენ ჩვენი სახელმწიფოს მშენებლობასა და განვითარებას. მხარს გვიჭერდნენ მორალურად, პოლიტიკურად, ფინანსურად და ინსტიტუციურად. დღეს მაოცებს ის ფაქტი, რომ მიწევს ვიღაცეები დავარწმუნო იმ ფაქტში, ვინაა მტერი და ვინაა მეგობარი; ხომ ვიცით ვინ წაგვართვა ტერიტორიები, ვინ დაარღვია ჩვენი ტერიტორიული მთლიანობადა ვინ იცავს ჩვენს სუვერენიტეტს და არაღიარების პოლიტიკას; ხომ ვიცით ვინ აკრძალა ქართული ენის სწავლა და ვინ აღიარა და დაიცვა ქართული ანბანი; ხომ ვიცით ვინ დაგვინგრია და ვინ აგვიშენა სკოლები; ხომ ვიცით ვინ გვიჭედავს ეკლესიის კარს და ვინ გვეხმარება ჩვენი ეკლესია-მონასტრების აღდგენასა და გადარჩენაში; ხომ ვიცით ვინ დაგვიწუნა და გამოდევნა ქართული ღვინო და ვინ დააფასა და აღიარა საქართველო ღვინის სამშობლოდ; ხომ ვიცით ვისი დახმარებით გახდა ჩვენი ჯარი თანამედროვე, საერთაშორისო სტანდარტებით აღჭურვილი; ვისი დახმარებით გაძლიერდა სოფლის მეურნეობა და კიდევ, ვინ მოთვლის და რა დათვლის, რა დაგვიშავა მტერმა და რა გაგვიკეთა მეგობარმა. ამიტომ არის, რომ ჩვენს კონსტიტუციაში ასახული საგარეო კურსი ჩვენი უალტერნატივო მომავალია.
სალომე ზურაბიშვილი
ზურაბიშვილი: მაოცებს, რომ დღეს ვიღაცების დარმწუნება მიწევს, ვინაა მტერი და ვინ მეგობარი
tbl.ge/6sq1
დაკოპირდა
![](https://api.tabula.ge/files/styles/news_thumb_square_md/public/photos/2023/10/salome.png.jpg?itok=Dmta1wuc)
თქვა პრეზიდენტმა სალომე ზურაბიშვილმა დამოუკიდებლობის დღის ღონისძიებაზე.
ამავე თემაზე
- საქართველოც რუსეთის იმპერიალისტური ამბიციების მსხვერპლია – პრეზიდენტი უკრაინის სამიტზე
- ვისაუბრეთ საქართველოს პოლიტიკურ ლანდშაფტზე – ზურაბიშვილი შარლ მიშელს შეხვდა
- ზურაბიშვილი EU-ზე: გვაქვს შანსი არჩევნების გზით 2025 წელს გაგვიხსნან მოლაპარაკებები
- ზურაბიშვილი: მზადდება ძალიან მავნებლური კანონი საპენსიო ფონდზე
- ზურაბიშვილი: დავარწმუნოთ ჩვენი ევროპელი პარტნიორები, რომ ღირსნი ვართ, გახსნან მოლაპარაკებები