7 აგვისტო საქართველოში გლოვის დღედ გამოცხადდება. ამის შესახებ მედიასთან საქართველოს პრემიერმინისტრმა, ირაკლი ღარიბაშვილმა ისაუბრა.
"ჩვენ გვქონდა მსჯელობა, რომ დღეს და შაბათ-კვირას აქტიურად გაგრძელდება მუშაობა და ჩვენი გადაწყვეტილებით გლოვის დღე გამოცხადდება ორშაბათს". - თქვა ღარიბაშვილმა.
მისივე სიტყვებით, მიიღეს გადაწყვეტილება, რომ სამაშველო-სამძებრო სამუშაოებში თავდაცვის ძალები ჩაერთოს.
ბოლო მონაცემებით, რაჭაში სტიქიის ზონაში 7 ადამიანის ცხედარია ნაპოვნი.
სამაშველო-სამძებრო სამუშაოები გრძელდება - დაკარგულ მოქალაქეებს, მაშველებთან ერთად, ეძებენ მოხალისეები, ასევე, მათი ახლობლები და ნათესავები.
- რაჭაში სტიქიის ზონაში ჩარჩენილ მოქალაქეებს ეძებენ – ფოტოები ადგილიდან
- მოქალაქე: შოვში ცოლი და 3 შვილი მყავს ჩარჩენილი, აღარ გამოდიან კონტაქტზე, რამე ქენით
- მოქალაქე: შვილთან და სამ შვილიშვილთან კონტაქტი არ მაქვს, არ ვიცი, ცოცხლები არიან თუ არა
შოვში, სასტუმრო სანსეტ შოვის მიმდებარედ მეწყერის შედეგად მიწის მასა 3 აგვისტოს, დაახლოებით, 16:00 საათზე ჩამოიშალა.
