"სამწუხაროდ, ამ მომენტისთვის 7 გარდაცვლილია ნაპოვნი, 7 ცხედარი, ძალიან მძიმე ვითარებაა, სამწუხაროდ, 30-ზე მეტს ეძებენ" - ამის შესახებ პრემიერმინისტრმა ირაკლი ღარიბაშვილმა რაჭაში, სტიქიის ზონაში ჟურნალისტებს უთხრა.
ამ დრომდე ოფიციალურად დადასტურებული ინფორმაციით, შოვში 6 ადამიანი იყო დაღუპული.
სამაშველო-სამძებრო სამუშაოები გრძელდება - დაკარგულ მოქალაქეებს, მაშველებთან ერთად, ეძებენ მოხალისეები, ასევე, მათი ახლობლები და ნათესავები.
- რაჭაში სტიქიის ზონაში ჩარჩენილ მოქალაქეებს ეძებენ – ფოტოები ადგილიდან
- მოქალაქე: შოვში ცოლი და 3 შვილი მყავს ჩარჩენილი, აღარ გამოდიან კონტაქტზე, რამე ქენით
- მოქალაქე: შვილთან და სამ შვილიშვილთან კონტაქტი არ მაქვს, არ ვიცი, ცოცხლები არიან თუ არა
შოვში, სასტუმრო სანსეტ შოვის მიმდებარედ მეწყერის შედეგად მიწის მასა 3 აგვისტოს, დაახლოებით, 16:00 საათზე ჩამოიშალა.