რუსეთში კომპანია Meta-ს სოციალური ქსელები, Facebook-ი და Instagram-ი "ექსტრემიზმის" ბრალდების გამო აკრძალეს. გადაწყვეტილება მოსკოვის სასამართლომ მიიღო.
ამ გადაწყვეტილებით, რუსეთი სოციალურ ქსელებს საკუთარ ტერიტორიაზე მუშაობას უკრძალავენ.
ექსტრემიზმში დადანაშაულების მიზეზად დასახელდა 4 500-ზე მეტი მოთხოვნა – სოციალური ქსელებიდან წაეშალათ "ფეიკები", რომლებიც რუსეთის უკრაინაში მიმდინარე საომარ მოქმედებებს უკავშირდებოდა, ასევე პოსტები, რომლებში იყო მოწოდებები არასანქცირებული შეკრებებისკენ.
როგორც სასამართლოში ამბობენ, შეზღუდვა არ შეეხება ასევე Meta-ს მფლობელობაში მყოფ WhatsApp-ს.
რუსეთის მოქალაქეები Facebook-ისა და Instagram-ზე დაწესებული შეზღუდვებისთვის გვერდის ავლისთვის არ დაისჯებიან, როგორც ამას რუსულ სამთავრობო მედიებში იუწყებიან.
რუსეთში ამ ორი სოციალური ქსელის ფუნქციონირება უკვე რამდენიმე დღეა რაც შეზღუდულია.
უკრაინაში მიმდინარე ომის ფონზე 26 თებერვალს, Facebook-მა რუსეთის სამთავრობო მედიებს რეკლამის გავრცელება და მათ პლატფორმაზე მონეტიზაცია აუკრძალა. ამის შემდეგ მარეგულირებელმა ორგანომ, როსკომნადზორმა 4 მარტს რუსეთში Facebook-ი დაბლოკა. ამავე ორგანომ Instagram-ს ფუნქციონირება 14 მარტს შეუწყვიტა.
უკრაინაზე თავდასხმის გამო Meta-მ ზოგიერთ ქვეყანას Facebook-სა და Instagram-ზე რუსეთის ხელმძღვანელობისა და შეიარაღებული ძალების მიმართ ძალადობრივ მოწოდებები ნებადართული გახადა.
