საარჩევნო უბნების დახურვიდან 9 საათზე მეტი გავიდა, თუმცა, ცესკოს არჩევნების პირველადი შედეგები ჯერაც (05:20) არ გამოუქვეყნებია.
აღსანიშნავია, რომ წინასწარი შედეგების გამოქვეყნების "ოპტიმალურ დროდ" ცესკო თავადვე ასახელებდა უბნების დახურვიდან 7-8 საათს. ისიც საგულისხმოა, რომ 2017 წლის თვითმმართველობის არჩევნების პირველადი შედეგები უბნების დახურვიდან 7 საათსა და 20 წუთში (03:20-ზე) გამოქვეყნდა, ხოლო 2014 წლის არჩევნებზე - 6 საათსა და 30 წუთში (02:30-ზე).
- ფორმულას ეგზიტპოლი: კახა კალაძე – 44%, ნიკა მელია – 40%
- ფორმულას ეგზიტპოლის საბოლოო შედეგები: ქართული ოცნება 46%, ენმ - 33%, საქართველოსთვის - 6%
- მთავარი არხის ეგზიტპოლი: კალაძე 40.5%, მელია – 39.9%, გახარია – 8.9%
- TV იმედის ეგზიტპოლის 18:00-ის შედეგები: ოცნება 47.6%, ენმ - 27.1%, საქართველოსთვის - 6.8%
TV იმედის დაკვეთილი ეგზიტპოლის შედეგებით, თბილისში კახა კალაძე 51.3%-ით იმარჯვებს, ხოლო ფორმულას და მთავარი არხის ეგზიტპოლებით - დედაქალაქში მეორე ტური გახდება საჭირო. GORBI-ს ეგზიტპოლის გამოქვეყნების შემდეგ, ქართულმა ოცნებამ გამარჯვება იზეიმა და კახა კალაძემ ამომრჩეველს მადლობაც გადაუხადა, თუმცა, მოგვიანებით, მმართველი გუნდის ლიდერებმა "ცდომილებიდან გამომდინარე" მეორე ტური აღარ გამორიცხეს.