საქართველოში ბოლო 24 საათში კორონავირუსით კიდევ 8 ადამიანი გარდაიცვალა. ჩატარდა 27 713 ტესტი და დადასტურდა ინფიცირების 687 ახალი შემთხვევა. გამოჯანმრთელდა 327 პაციენტი.
დადებითობის დღიური მაჩვენებელია 2.48%, რაც წინა დღეს 3.65% იყო.
ბოლო 14 დღის მანძილზე დადებითობის მაჩვენებელია 1.98%, ხოლო 7 დღის მანძილზე - 2.42 %.
ინფიცირების 687 ახალი შემთხვევიდან: თბილისში 351 გამოვლინდა, აჭარაში - 61, იმერეთში - 68, ქვემო ქართლში - 22, შიდა ქართლში - 41, გურიაში - 14, სამეგრელო - ზემო სვანეთში - 84, კახეთში - 18, მცხეთა-მთიანეთში - 20, სამცხე-ჯავახეთში - 4, რაჭა-ლეჩხუმსა და ქვემო სვანეთში - 4.
ამ ეტაპზე ინფიცირების მიმდინარე აქტიური შემთხვევა არის 6 232, საიდანაც 1 984 პაციენტი კლინიკებში მკურნალობს, 291 - Covid-სასტუმროებში, ხოლო 3 957 - ბინაზე.
მძიმე პაციენტია 352 პირი, ხელოვნური სუნთქვის აპარატზე იმყოფება 63 პაციენტი.
7 აპრილის დილის მონაცემებით, ქვეყანაში კორონავირუსით ინფიცირების 285 645 შემთხვევაა დადასტურებული, მათგან 275 547 გამოჯანმრთელდა, 3 840 კი გარდაიცვალა.
ჯანდაცვის მინისტრის მოადგილის თქმით, თუ ინფიცირების შემთხვევების ზრდა გაგრძელდება, "მოგვიწევს, დავუბრუნდეთ შეზღუდვების მენიუს, რაც გამოვიარეთ". თამარ გაბუნიამ არ გამორიცხა, ორ კვირაში ტრანსპორტის მოძრაობა "ლოკალურად შეიზღუდოს".
21:00 საათიდან დილის 05:00 საათამდე ქვეყანაში კომენდანტის საათი კვლავ მოქმედებს.
