აქციების "სირცხვილია" ერთ-ერთი ორგანიზატორი, შოთა დიღმელაშვილი ამბობს, რომ 29 ივნისის თავისუფლების მარშისთვის სცენა და პიკაპები არ მიაქირავეს.
მისი თქმით, უარს მას შემდეგ ეუბნებოდნენ, რაც იგებდნენ, რომ ის მსვლელობისთვის სჭირდებოდათ.
"დღეს 7-მა კაცმა არ მოგვაქირავა სცენა. პიკაპები "დასავლეთში ჰყავთ", მას შემდეგ, რაც იგებენ, რომ მსვლელობისთვის გვჭირდება.
ბიზნესი თავისუფლად სუნთქავს", - დაწერა დიღმელაშვილმა ფეისბუქზე.
დღეს, 29 ივნისს, საპროტესტო აქციების მე-10 დღეს 19:00 საათზე რესპუბლიკის მოედნიდან თავისუფლების მოედნამდე მსვლელობაა დაგეგმილი.
აქციის მონაწილეების მოთხოვნა უცვლელია - შს მინისტრმა გიორგი გახარიამ 20 ივნისის ანტისაოკუპაციო მიტინგის დარბევისთვის პასუხისმგებლობა აიღოს და გადადგეს.