ინდონეზიელმა ინტან სიარიმ, რომლის საქმრო Lion Air-ის რეისზე იმყოფებოდა, რომელიც ჯაკარტადან აფრენიდან მალევე ზღვაში ჩავარდა, საქორწილო სურათები მარტომ გადაიღო.
ინტან სიარის და რიო ნანდა პრატამას ქორწილი 11 ნოემბერს იგეგმებოდა და პრატამა დედაქალაქიდან სახლში სწორედ ამისათვის ბრუნდებოდა, თუმცა 29 ოქტომბერს ავიაკატასტროფას ემსხვერპლა.
ინტან სიარის თქმით საქორწილო სურათების გადაღება მისი საქმროს სურვილი იყო მან ხუმრობით უთხრა კიდეც, რომ თუ ქორწილზე დააგვიანდებოდა სურათები მარტოს გადაეღო და მისთვის გაეგზავნა.
პრატამასთან ერთად ბორტზე 188 ადამიანი იმყოფებოდა. ყველა მათგანი დაიღუპა. ავიაკატასტროფის გამომწვევი მიზეზი ჯერ-ჯერობით უცნობია.