ტაკანობუ ნიშიმოტოს უცნაური ბიზნესი აქვს, რომელსაც "Ossan Rental" ჰქვია და 2012 წელს ტიკიოში დაარსდა.
"Ossan" იაპონური სიტყვაა, რომელიც შუა ხნის მამაკაცს აღნიშნავს.
ნიშიმოტო მომხმარებლებს შემდეგს სთავაზობს: 8.89 ამერიკული დოლარის სანაცვლოდ ადამიანი ერთი საათით ქირაობის "Ossan"-ს და საკუთარ პრობლემებზე ესაუბრება, "Ossan"-ი კი მას ცხოვრებისეულ რჩევებს აძლევს.
ტაკანობუ ნიშიმოტო თვლის, რომ შუა ხნის ადამიანებს საკმარისი ცხოვრებისეული გამოცდილებები აქვთ დაგროვილი და შეუძლიათ ეს სხვებსაც გაუზიარონ.
"მეგონა, რომ უმთავრესად ახალგაზრდა კაცები გახდებოდნენ ჩემი კლიენტები, თუმცა არა, კლიენტების უმეტესობა 20-დან 50 წლამდე ქალები არიან", - თქვა ნიშიმოტომ.
ადამიანებს, რომლებიც ამ მომსახურებით სარგებლობენ, სჭირდებათ რჩევები კარიერასა და სიყვარულზე, ზოგს კი უბრალოდ პარტნიორი უნდა ბარებსა და კონცერტებზე. "Ossan"-ები ასევე ეხმარებიან მათ ავეჯის გადაზიდვაში, ან თამაშობენ შეყვარებულის როლს, რათა კლიენტს თავიდან აარიდონ არასასურველი ადამიანები.
ნიშიმოტო კლიენტებს უსაფრთხოების გარანტიებსაც აძლევს - იმ შემთხვევაში თუ "Ossan"-ს ბევრი ნეგატიური შეფასება დაუგროვდა, ან ის კლიენტს ფიზიკურად არასასურველად შეეხო, მას სამსახურიდან აგდებენ.
მომხმარებლებს შეუძლიათ შეიძინონ თვიური აბონემენტი 88.89 ამერიკულ დოლარად, ასევე შეუძლიათ წლიური აბონემენტების შეძენაც. ტაკანობუ ნიშიმოტოს ბიზნესს თვეში დაახლოებით 900 მომხმარებელი ყავს, რომლებსაც 80 "Ossan"-იდან შეუძლიათ სასურველის შერჩევა.