კუბაში სამხედრო თვითმფრინავმა ავიაკატასტროფა განიცადა, რამაც, ოფიციალური ინფორმაციით, 8 ადამიანი იმსხვერპლა. თვითმფრინავი დასავლეთის პროვინცია არტემიზაში ჩამოვარდა.
თვითმფრინავი აეროგავიოტას ეკუთვნის, რომელიც კუბას მთავრობის სააგენტოებს ემსახურება.
სხვა დეტალებს ოფიციალური წყაროები არ ავრცელებენ, თუმცა, ამ ავიაკომპანიას ორი ტიპის თვითმფრინავი ჰყავს. ერთი საბჭოთა An-26, რომელიც 39 მგზავრს იტევს, მეორე კი ფრანგული ATR-42, სადაც 50 ადგილია.
