ACT Airlines-ის თვითმფრინავის კატასტროფის შედეგად დაღუპულთა რაოდენობა 37-მდე გაიზარდა

ყირგიზეთში ავიაკატასტროფის შედეგად დაღუპულთა რაოდენობა 37-მდე გაიზარდა.

ACT Airlines-ის სატვირთო თვითმფრინავმმა, რომელიც რეისს ჰონკონგიდან ასრულებდა, ყირგიზეთის დედაქალაქ ბიშკეკთან ახლოს, მანასის აეროპორტში დაშვების მცდელობისას კატასტროფა განიცადა.

კატასტროფის შედეგად ჩამოვარდნილი თვითმფრინავი აეროპორტთან ახლოს მდებარე სახლებს შეეჯახა. დაინგრა 15 შენობა. დაღუპულთა უმეტესობა, სწორედ ადგილობრივი მცხოვრებია, მათ შორის არიან ბავშვებიც.

გავრცელებული ინფორმაციით, ავიაკატასტროფა ნისლმა და ცუდმა ხილვადობამ გამოიწვია, თუმცა ყირგიზეთის პრემიერმინისტრის მოადგილის ინფორმაციით, მიზეზი პილოტის შეცდომა იყო.

თავდაპირველად გავრცელდა ინფორმაცია, რომ თვითმფრინავი Turkish Airlines-ს ეკუთვნოდა, თუმცა შემდეგ აღმოჩნდა, რომ ACT Airlines-ის იყო.