ივანიშვილი: დედაჩემი საავადმყოფოშია და შემიძლია მოგიყვეთ რამდენი პრობლემაა იქ

თქვენ რა გგონიათ, მე არ ვიცი ჯანდაცვაში არსებული პრობლემების შესახებ? და მგონია, რომ ჯანდაცვა იდეალურია? გეტყვით, ამ მიმართულებით ყველაზე დიდი ნაბიჯი გადავდგით წინ, რამეთუ იქ ყველაზე მეტი ფინანსი მივმართეთ. თუმცა დაგეთანხმებით, უამრავი პრობლემაა ჯანდაცვაში, და მე შემიძლია გითხრათ, დედაჩემი ახლაც საავადმყოფოშია და შემიძლია დაგასწროთ და მოგიყვეთ თუ რამდენი პრობლემაა. საჩხერის საავადმყოფო აბსოლუტურად ევროპულის დონისაა, მაგრამ პრობლემები გვაქვს ექიმების კვალიფიკაციაში, ეს მთავარი პრობლემაა და დიდხანს გაგვყვება კიდევ. არ გეტყვით, რამდენი სამედიცინო შეცდომა იქნა დაშვებული იგივე დედაჩემთან დაკავშირებით. მე ძალიან აქტიურად ვუყურებდი მის ჯანმრთელობის მდგომარეობას, ფეხი მოიტეხა დედამ და ჩავყევი საჩხერეში. მაგრამ, ქალბატონო, 4 წელიწადში ვერც ჯანდაცვა და ეკონომიკა ვერ განვითარდება. მთავარია, რომ ჩვენ გვქონდეს პროგრესი.